Be-Faiz Rafaqat Mein Samar Kis K Liye Tha

Be-Faiz Rafaqat Mein Samar Kis K Liye Tha
Jab Dhoop Thi Qismat Tou Shajar Kis K Liye Tha

Pardais Mein Sona Tha Tou Chhat Kis Liye Daali
Bahar He Nikalna Tha Tou Ghar Kis K Liye Tha

Jis Khak Se Phoota Hai Usi Khak Ki Khushbu
Pehchaan Na Paya Tou Hunar Kis K Liye Tha

Ay Madar-e-Gaiti ! Teri Hairat Bhi Baja Hai
Tere He Na Kaam Aaya Tou Sar Kis K Liye Tha

Youn Sham Ki Dehshat Mein Sar-e-Dasht Irada'h
Rukna Tha, Tou Phir Sara Safar Kis K Liye Tha. ....