Aaj Bhi Tapti Dhoop Ka Sehra..!!,
Tere Naram Labon Ki Shabnam,
Saye Se Mahroom Raha,

Aaj Bhi Pathar Hijar Ka Lamha,
Sadion Se Bekhawab Rutton Ki,
Aankhon Ka Mafhoom Raha,

Aaj Bhi Apney Wissal Ka Tara,
Rakh Urrati Shokh Shafq Ki,
Manzil Se Maadom Raha,

Aaj Bhi Shaher Mein Pagal Dil Ko,
Teri Deed Ki Aas Rahi,

Muddat Se Gumsum Tanhai,
Aaj Bhi Mee Paas Rahi,

Aaj Bhi Sham Udas Rahi

Bade wasooq se duniya fareb deti hai

bade khuloos se hum aitbaar karte hain”

yeh dil yeh pagal dil mera, kyon bujh gaya aawargi

is dasht mein ik shahar tha, vo kya hua aawargi

kal shab mujhe be-shakl si aawaaz ne chaunka diya

main ne kaha tu kaun hai, usne kahaa aawargi

ek tuu ke sadiyon se mere, humraah bhi humraaz bhi

ek mein kii tere naam se, na-aashana aawaragi

ye dard kii tanahaaiyaa ye dasht kaa viiraa.n safar

ham log to uktaa gaye apnii sunaa, aavaargii

ik ajnabi jhonke ne jab, pucha mere gam ka sabab

sehra ki bheegi ret par, main ne likha aawargi

kal raat tanha chand ko, dekha tha main ne khwab main

“mohsin” mujhay rass ayegi, shayad sada aawargi

Mohsin Naqvi

Dasht-e-Wafa Mein Pyaas Ka Aalam Ajeeb Tha
Dekha To Aik Dard Ka Dariya Qareeb Tha

Guzrey Jidhar Jidhar Se Tamanna K Qaafley
Her Her Qadam Pe Aik Nishaan-e-Saleeb Tha

Kuch Aysi Meherbaan Tou Na Thi Ham Pe Zindagi
Kyun Her Koi Jahaan Mein Hamara Raqeeb Tha

Apna Pata To Us Ne Diya Tha Mujhy “MOHSIN”
Main Khud Hi Kho Gaya Tou Ye Mera Naseeb Tha

Munhasir Ahl-e-sitam per hi nahi'n hai 'Mohsin'
Log apno’n ki enayat se bhi marr jatay hain. .